1. Python అంటే ఏమిటి?

Python అనేది ఒక High-Level, General-Purpose, Interpreted Programming Language. కంప్యూటర్‌కు లేదా మొబైల్‌కు మనం ఏ పని చేయాలో సూచనలు (Instructions) ఇవ్వడానికి ఉపయోగించే ప్రోగ్రామింగ్ భాషను Python అంటారు. సాధారణంగా మనం మనుషులతో మాట్లాడటానికి తెలుగు, ఇంగ్లీష్ వంటి భాషలను ఉపయోగిస్తాము. అదే విధంగా కంప్యూటర్‌తో మాట్లాడటానికి Python, Java, C, C++, JavaScript వంటి ప్రోగ్రామింగ్ భాషలను ఉపయోగిస్తాము. Python భాష ద్వారా మనం కంప్యూటర్‌కు ఏదైనా పని చేయమని ఆదేశించవచ్చు.
ఉదాహరణకు: రెండు సంఖ్యలను కలపడం.కాలిక్యులేటర్ తయారు చేయడం. వెబ్‌సైట్లు తయారు చేయడం. మొబైల్ అప్లికేషన్లు అభివృద్ధి చేయడం. డేటాను నిల్వ చేయడం మరియు విశ్లేషించడం. Artificial Intelligence (AI) అప్లికేషన్లు తయారు చేయడం. Machine Learning ప్రాజెక్టులు రూపొందించడం. ఆటలు (Games) అభివృద్ధి చేయడం. ఆటోమేషన్ (Automation) చేయడం. రోబోట్లను ప్రోగ్రామింగ్ చేయడం. అందువల్ల Python అనేది అనేక రకాల సాఫ్ట్‌వేర్ ప్రాజెక్టులను అభివృద్ధి చేయడానికి ఉపయోగపడే శక్తివంతమైన ప్రోగ్రామింగ్ భాష.

2. Python చరిత్ర (History of Python)

Python ప్రోగ్రామింగ్ భాషను Guido van Rossum అనే కంప్యూటర్ ప్రోగ్రామర్ రూపొందించారు. Python అభివృద్ధి 1980ల చివరలో ప్రారంభమైంది. 1991లో Python మొదటి పబ్లిక్ వెర్షన్ విడుదలైంది. Python అభివృద్ధి వెనుక ప్రధాన ఉద్దేశ్యం సులభంగా చదవగలిగే, అర్థం చేసుకోగలిగే ప్రోగ్రామింగ్ భాషను రూపొందించడం. ప్రస్తుతం Python ప్రపంచవ్యాప్తంగా అనేక రంగాల్లో ఉపయోగించబడుతోంది.

3. Python ఎందుకు నేర్చుకోవాలి?

Python నేర్చుకోవడానికి ముఖ్యమైన కారణం దాని సరళమైన Syntax. ఇతర కొన్ని ప్రోగ్రామింగ్ భాషలతో పోలిస్తే Python కోడ్ చదవడం, రాయడం సులభంగా ఉంటుంది. ఉదాహరణకు, స్క్రీన్‌పై Hello World అనే సందేశాన్ని ప్రదర్శించడానికి Pythonలో print("Hello World!")

ఈ ఒక్క లైన్ కోడ్‌తో కంప్యూటర్ స్క్రీన్‌పై Hello World! అనే సందేశం కనిపిస్తుంది. Python నేర్చుకోవడం ప్రారంభించినవారికి కూడా ఇలాంటి సరళమైన కోడ్ అర్థం చేసుకోవడం సులభం.

Python ప్రోగ్రామ్ ఎలా పనిచేస్తుంది?

Python ప్రోగ్రామ్ పనిచేయడానికి ప్రధానంగా Python Interpreter ఉపయోగించబడుతుంది.